市場徐想：領匯 防守收息之選

今個禮拜一開局就風聲鶴唳，加息陰霾再加上歐債問題重提，令到大市唔見咗幾個巴仙，收租股變成避險工具。除咗揀傳統收租股外，資金（尤其是避險嗰啲）亦相繼湧入房地產信託基金（REITs）。好似領匯（00823）咁，一路喺高位徘徊。

領匯擁有龐大物業網絡，佔據香港近9%嘅零售設施，包括商場、停車場等。單睇回報，自上市以來，佢嘅年度複式回報就高達23.3%，包括單位分派同股價增長。因為領匯旗下嘅物業都係以日用品零售方面為主，呢類市場最大特色就係抗經濟周期。領匯亦逐步幫佢嘅資產組合，推行資產提升工程，令物業租金收入上升。以昨日收市價計，領匯周息率仲有3.4%，而市場氣氛開始悲觀，如果要換股，可以揀一啲防守性較高嘅。