魚缸Blogger：航天控股 博上1元

尋日「航」字股起錨，其中航天控股（00031）喺上周五創出五十二周高位0.92元後，雖然跌足三個交易日，仲喺周二發盈警，不過尋日止跌回升，並以近全日高位0.78元收市，啱啱掂到20日線，如果短線股價可以企穩嘅話，抖完氣應該有力再試0.92元，博佢踢上1蚊。

從事科技工業、新材料業務同航天服務業的航天控股，預期截至去年底止全年溢利將比前年減少，原因係公司無重大一次性的非經常性收益，但公司講明現金流量同業務依然正常。

去年十月暴炒妹推介呢隻股時睇0.75元，仲話過佢有兩個重大投資項目有待收成，其中海南航天發射配套區項目，近日有報道指建設進展順利，後市應該仲有睇頭。

航天控股（00031）

阻力位：1.0元

支持位：0.7元