市場徐想：金融改革 利券商股

兩會就快閉幕，市場普遍預期中央嚟緊會加大RQFII及QFII額度。能夠受惠呢啲金融改革措施嘅，一定係內地金融機構，尤其是證券商。而且今年仲有啲背景相似嘅大型內地券商準備AH股上市，對於已經上市嘅內地券商股就會有影子效應。

數據顯示，過去有一段時間每星期都有資金流入亞洲地區，而中國地區佔大多數，呢個係一個很大嘅推動力，所以Prof. J預期A股會持續復甦。當然，仲要配合投資情緒。過去三年金融市場有好多憂慮，如美國次按爆煲，跟住又歐洲債務危機，中國又話經濟硬着陸、影子銀行問題等，以致大部分投資者都抱避險情緒。不過，今年情況開始改善，外圍環境似乎穩定落嚟，加上大家又預期中國新領導上場將有一系列改革出台，都有利股票市場向上。