SUN勢力：信利國際 值得再博

本欄去年十一月曾推介的信利國際（00732），當時股價1.5元唔到，昨日收3.29元，升咗一倍有多，雖然現時估值無當時咁抵，但都值得再睇，原因係業績對辦。

公司是透過附屬公司從事製造及銷售液晶體顯示器及電子消費品如微型相機模組、個人醫療護理產品，近期的增長亮點放在手機的零部件。集團將於下周一派發業績，去年上半年盈利無睇頭，按年跌約3%，賺2.18億元，到第三季情況見改善，首九個月盈利同比上升7.6%，至3.92億元。上月發出盈喜，指去年全年盈利將大幅增加70%以上，原因是期內收益大增以及無錄得重大投資減值虧損。以一一年賺3.81億元計，即係一二年盈利至少達6.47億元。睇埋今年頭兩個月表現，綜合收入勁增逾四成，多過晒去年收入表現，值得再博。

信利國際（00732）

阻力位：3.80元

支持位：2.59元