大市尋日出現單日轉向，恒指晏晝轉跌為升，埋單升62點。大市氣氛好咗，好多股份出現反彈，好似新能源、頁岩氣概念股，尋日表現都係威係勢。呢啲股份已調整多日，尋日出現比較似樣反彈，相信短期仲有上升空間，但係喺大市反覆嘅情況下，未必可以升番上之前高位，撈咗底嘅投資者，要識得睇位食胡。
