魚缸Blogger：創維 技術走勢強勁

呢期動作多多嘅創維數碼（00751），又分拆又收購，難怪可以逆市表現硬淨，繼前日創咗5.77元的五十二周新高後，尋日再升2%至5.4元，睇勢話唔定可以再破頂。

創維主要從事生產及銷售彩電、數字機頂盒及液晶器件等業務，上月傳統電視機總銷量增長47%至53.6萬台，銷售額增長53%，表現出色。公司啱啱公布可能收購一間內地上市公司華潤錦華（000810）的股權，涉及注入若干資產及業務，其中可能包括數字機頂盒業務。另佢有意將旗下附屬公司創維光顯分拆上市，並已向聯交所申請。

雖然兩個項目有待落實，但尋日花旗出報告叫人買，畀佢目標價7.3元，話佢嘅市場地位同推出新產品能力有優勢，加上高端產品替換及新建保障房帶動電視機需求，令公司增長可持續跑贏大市。

公司股價自今年起沿10日及20日線上升，由4蚊樓下，升到依家5個幾，技術走勢強勁，後市可（目及）實，上望6元阻力。

創維數碼（00751）

阻力位：6.00元

支持位：5.17元