魚缸Blogger：微創醫療 跑贏大市

呢期醫藥股得寵，上周四推介過嘅盈天醫藥 （00570），如果以當日收市價2.39元計，至今累積升幅達20%，未有貨嘅話，要量力而為，而另一隻微創醫療（00853）亦都有睇頭，尋日喺成交激增下，即市一度挾到去5.63元，創咗五十二周新高，埋單仍升8.3%，可以（目及）實。

公司主要從事開發、製造及銷售治療血管疾病及病變產品，今年以來頻頻在市場回購股份。尋日爆上係因為佢啱啱公布獲准喺內地銷售及推廣Willis顱內覆膜支架系統，用於治療顱內動脈瘤，可進一步鞏固市場地位。瑞信話，新產品令微創攻入8億元人仔的顱內動脈瘤治療市場，可提升公司收入，亦與○八年推出的Apollo顱內動脈支架系統產生協同效應，且去年業績符合預期，睇好佢可跑贏大市。

微創醫療（00853）

阻力位：5.80元

支持位：4.89元