市場徐想：中銀香港 前景樂觀

近日美股做好，但中港股市都係缺乏方向。中銀香港（02388）不嬲都有吸引力，加上股市交投回升、匯市又波動，應該可以帶動中銀今年嘅證券、外匯買賣同基金銷售收入。估計佢嘅非利息收入今次會有較佳增長，甚至達到雙位數增幅。而且，中銀香港都具前海概念。母公司中國銀行（03988）喺前海嘅業務基礎最穩固，日後如果前海嘅跨境人民幣貸款進一步增加，中行將會轉介更多客戶畀中銀香港。而隨着香港人民幣資金池持續擴大，中銀嘅人民幣業務收入亦會增加，都咪話唔和味。

而RQFII有新修訂，就係取消外資獲批投資額度在股票、債券的三七限制，日後可悉數投資A股。中銀香港嘅香港人民幣業務擁有領先優勢，任何促進離岸人民幣業務嘅措施佢都會受惠。