魚缸Blogger：盈天醫藥 小注怡情

內地同本港空氣污染嚴重，呼吸系統相關藥物收入佔比高達46.3%的盈天醫藥 （00570）， 近周股價升咗幾成都唔夠皮，尋日又升多4.8%，收報2.39元，鑊氣十足，考慮到呢期升勢幾急，都可以等回調後收集，小注怡情。

未來發展令人憧憬

盈天為內地具優質品牌的普藥生產企業，代表作有已被納入國家醫保名錄嘅「鼻炎康片」、「玉屏風顆粒」等，另擁有一批傳統中藥古方製劑如「保濟丸」、「大活絡丸」、「源吉林甘和茶」等知名產品，喺傳統中藥製造的歷史逾四百年。公司喺早前發盈喜，預期截至去年底止全年溢利將比前年大幅增長，原因係銷售穩增、持續整合終端市場銷售資源，令銷售及市場推廣開支得以有效控制，同埋常用中藥材價格下降，令原材料成本下降等。

國藥控股（01099）的母公司國藥集團亦早已睇中佢，入股成為大股東，最新持股量56.97%，未來發展令人有憧憬。

盈天醫藥（00570）

阻力位：2.60元

支持位：2.15元