SUN勢力：銀泰百貨 可望回勇

兩會召開期間，政策股炒個不亦樂乎，惟最當炒的新能源環保股，現價已經唔平，如近期獲北控集團增持的中國燃氣（00384），市盈率升至約40倍，9日RSI亦達88，安東油服（03337）市盈率逾100倍，9日RSI都有75，高追風險直線上升。

唔想「走入熱廚房」的，不妨睇睇非常落後的內地消費股，因過去兩年內地經濟放緩，炒得過熱的消費股，業績跟唔上預期，估值被下調。不過，溫家寶總理在兩會的工作報告強調提高消費的重要，看來消費股都有機會追番上來。

兩度測試9元支持

銀泰（01833）截至去年十月，未計其管理的杭州百大，共運營29間百貨店，總建築面積126.8萬平方米，去年首三季收入91億元人民幣，雖然按年增長16.6%，但仍遜於一一年表現，而上半年盈利5.47億元人民幣，按年升13.7%，幅度同樣是遜於上一年。

不過，隨着商場及百貨店縮減擴建步伐，百貨店增長有望回復較高水平。銀泰股價由今年一月11.5元高位開始調整，近周兩度下試9元都見支持，只要企得穩，有望出現一個中期回升浪。

銀泰百貨（01833）

阻力位：11.0元

支持位： 8.5元