魚缸Blogger：新奧能源 可再破頂

上周推介過嘅中油燃氣（00603），尋日即市再創1.61元的五十二周新高，接近暴炒妹之前的目標1.65元，而另一隻新奧能源 （02688）亦都相當有睇頭，即市一度掂到五十二周高位40.5元，埋單仍升近半成，收報40.05元，仲獲得滙豐證券同埋大和資本齊齊唱好，分別畀佢目標價38蚊同埋43蚊。

新奧主要從事管道燃氣銷售、燃氣接駁、汽車燃氣加氣站、燃氣批發、瓶裝液化石油氣分銷，以及燃氣器具及材料銷售，去年上半年管理的燃氣項目平均氣化率僅41.8%，隨住城鎮化的發展，中長線增長空間大。

公司即將派成績表，其中滙證就估佢去年純利增長23%至15.3億元人仔，符合市場預期，而天然氣銷量料將增加25%。雖然新奧現價並唔算平，不過業務食正環保國策兼氣價改革，睇勢話唔定可以再破頂，如果短線回吐仲守得住38蚊嘅話，唔大貪先睇42蚊。

新奧能源（02688）

阻力位：42元

支持位：38元