魚缸Blogger：中國電子鑊氣十足

尋日隻中國電子 （00085）出現異動，逆市狂飆最多兩成，接近掂到五十二周高位0.84元，埋單仍升8.7%，收報0.75元，鑊氣十足，如果短線回吐仲守得住上升裂口0.7至0.73元嘅話，小注博佢可以破頂。

中國電子從事設計、研發及銷售集成電路業務，產品廣泛應用於身份證卡、社會保障卡、移動通訊卡及電錶卡等智能卡領域，接近100%收入來自中國市場。

佳績支持股價爆升

睇番尋日爆上原因，估計都係因為佢出咗份唔錯嘅成績表，截至去年底止總銷售量錄得35%增長，抵銷咗集成電路芯片產品平均售價下跌嘅影響，期內公司收入增長16%至11.56億元，純利增長72%至1.98億元，毛利率上升6%，而資本負債比率下降2.1個百分點至40.3%。

去年中國電子新增20項授權專利、21項電腦軟件著作權登記，同埋12項集成電路版圖設計登記，喺憧憬內地加大投放銀行、社會保障、物聯網等領域下，行業極具發展前景。

中國電子（00085）

阻力位：0.84元

支持位：0.70元