魚缸Blogger：中國水業 整固完成

上月底叫過大家關注吓中國水業（01129），皆因憧憬中央加快灌溉及牧區水利發展規劃出台，尋日隻股整固完再度爆上，以接近全日高位1.23元收市，升幅11.8%，如果短線成功升穿五十二周高位1.31元，後市有機會見個半。

主要從事自來供水同污水處理業務嘅中國水業，啱啱公布將以最多4,080萬元人仔，收購東莞市科迪環保科技51%權益，透過虎門生物發電廠，涉足生物質發電，即係燃燒垃圾堆填區沼氣發電，料將於本月開始投產，因屬於國家鼓勵嘅節能減排項目，故行業嘅發展前景可觀。除此之外，公司亦都喺去年十二月及今年一月，合共賣咗9,624萬股蝕錢嘅華夏能源（08009），代價2,141萬元，擬用作一般營運資金同業務發展，有助穩定現金狀況。睇番幅圖，股價調整咗成個幾星期，上周五喺低位1.03元有承接，兼且轉跌為升，技術走勢轉好。

中國水業（01129）

阻力位：1.50元

支持位：1.03元