魚缸Blogger：宏華 低吸良機勿失

尋日好多中資股都出現回吐，啱啱創咗五十二周高位4.08元嘅宏華集團（00196），即市一度跌至3.69元，惟其後跌幅收窄，以3.76元收市，下跌3.3%，好彩成交未見急增，抖完氣應該有力再破頂，所以低吸機會咪執輸。

近排宏華有唔少利好消息，如公司喺上月中旬發盈喜、頻頻出擊海外進行戰略合作，以及內地傳將進行第三輪頁岩氣探礦權招標等。另亦有傳宏華已經同神華集團旗下的神華地質勘查，簽訂非常規天然氣勘探開發戰略合作框架協議，至於公司亦有機會一齊開發神華喺上一輪中標的頁岩氣項目分一杯羹，帶嚟額外商機同增長動力。

股價自本月起沿住10日線3.72元上升，周二即市成功突破頸線阻力3.98元，今轉維持上望4.4元。

宏華集團（00196）

阻力位：4.40元

支持位：3.53元