市場徐想：農行 股價可追落後

內銀一直受資本充足比率困擾，幾間內銀先後推出大型供股計劃，而且仲有貸款壞帳隱憂，故過往一年股價表現麻麻。

農業銀行（01288）係上市嘅國有銀行中，唯一未進行供股計劃，所以成日被人傳佢要配股。但Prof. J認為內地經濟有望復甦，農行應該會受惠。再加上經濟好咗，壞帳撥備亦有機會減少。繼而融資壓力亦有所紓緩，無咁大壓力，股價可望追落後。

喺一一年底時，農行嘅一級資本充足比率只得9.5%，係多間大型國有銀行中最低，難怪市場一直憂慮佢有集資需求。但去年第三季公布嘅一級資本比率已稍有改善至9.76%。Prof. J相信農行嘅集資壓力已減輕，不過亦唔可以排除基於市況改善，農行會吼準時機進行融資。