期指攻略：短線調整勢見22857

周二港股急跌536點之後，周三反彈108點，尋日又再掉頭跌79點。過去三日，沽空佔成交比例一直高踞一成水平樓上，分別係10.4、10及10.3%，反映儘管指數跌幅唔大，淡友索性搵個別股份直接做淡。

其實，昨日好友於早、午市曾嘗試攻堅，可惜兩次同受制於23,260點，這也可視為超短線反攻阻力之一。另一點值得留意是內銀股、內房股轉弱，拖累國指比恒指表現更差，恒指昨日低位23,134點，尚未失守周二大跌市低位23,104點，可是國指已率先跌破周二低位，最低去到11,651點，10日線亦首日跌穿20日線出現熊交叉（估計今日恒指亦然），手上有國期淡倉的，不妨以50日線11,539點為首個下望目標。

至於恒指，筆者相信今浪0.382回吐，即22,857點會是短期調整最低消費，不過二百多點水位值唔值博，見仁見智，既然周初已失先機，筆者較傾向是等低位試做好倉博反彈。