魚缸Blogger：宏華 有力升穿4元

今年第一個交易日，暴炒妹就推介過宏華集團（00196），其後兩日成功升穿○八年上市價3.83元，創咗3.98元的新高，之後股價調整咗成個月，周二喺低位3.15元見承接，尋日再次踩油，喺成交急增下收復10日同20日線，收報3.69元，升逾一成，加埋14日RSI（66）回勇，短線如果可以突破埋4蚊，博佢踢上4.4元。

睇番尋日爆上原因，原來有消息指內地或於短期內進行第三輪頁岩氣探礦權招標，話將加強相關資源調查及潛力評估，繼續批出一至兩批油氣探礦權，以及探索頁岩氣勘查開發部省合作機制。雖然唔知宏華今次會否參與投標，不過公司近期積極拓展商機，如本月與委內瑞拉國家油服簽訂約1.81億美元的定向井工具銷售協議、上月與科威特KDC公司簽訂近4,000萬美元的陸地鑽機銷售協等，進一步推動業務持續增長。

另外，集團喺上月中旬發盈喜，預期截至去年底止全年純利將比前年大幅增長，原因係產品銷售收入大增，後市應該仲有睇頭。

宏華集團（00196）

阻力位：4.40元

支持位：3.35元