期指攻略：牛皮市買期權博「升窩」

一月期指結算日前夕，港股昨日延續近日的悶局，窄幅上落，恒指全日波幅得105點，最後收報23,655點，跌16點。恒指在23,088至23,736點之間，玩足十九個交易日。

尋日恒指波幅指數，稍為由低位回升0.22至12.81，對比月初的18水平樓上，個市縮「窩」縮得幾勁，唔使畫公仔畫出腸。大市升勢已延續七個月之久，卻遲遲未見像樣的調整出現，過去兩日港匯明顯轉弱，尋日一度觸及7.76的大半年低位，恒指RSI及MACD等量度市場動力的數據，正反映市況有轉弱迹象，手痕想入市做淡，是人之常情。

今個星期，先後會有美國聯儲局議息、GDP及就業數據，期指大戶會否藉消息來個震倉，不得而知，條件是較有利做淡的。不過，假如指數繼續悶落去，也是無可奈何，反而筆者較有興趣，趁市場波幅跌到有紀錄低位，賭結算後「升窩」，買入二月指數23,000點Put及24,000點Call期權，成個套餐唔使300點，絕對抵玩。