魚缸Blogger：中國水業 值得關注

尋日表現相當靚仔嘅中國水業（01129）喺成交急增下，以全日高位兼新高1.12元收市，升幅8.7%，呢隻股自上月起沿住10日線上升，由6毫子左右，升到依家1蚊樓上，值得關注。

中國水業主要從事自來水供水同污水處理業務，公司中期扭虧為盈，錄得純利121萬元，而收入亦增加三成半至1.44億元。早前中國水業公布投資多項工程，如獲北京愛思特開源水務投資公司轉讓鄂爾多斯電廠回用水項目約51%股權，另外仲同多間內地水企簽訂戰略合作協議，加埋旗下附屬錄得特殊項目收入，對今年公司嘅財務狀況有正面影響。至於上周有消息指內地灌溉及牧區水利發展兩項規劃快將出台，料於上半年陸續發布實施，直接投資或會超過2,500億元人仔，對水務股有利。

中國水業（01129）

阻力位：1.35元

支持位：0.95元