市場徐想：珠海控股 潛質待露

九洲發展（00908）係唯一喺香港上市嘅珠海公司，日前公布易名為「珠海控股投資集團」，仲同珠海大橫琴投資有限公司簽訂項目合作協議。

珠海控股本身擁有高速客輪公司、九洲港客運站、珠海度假村、圓明新園等股權投資企業，而今次同集團簽訂合作嘅夥伴大有來頭。珠海大橫琴投資有限公司係橫琴區屬國有獨資企業，為橫琴新區基礎設施建設投融資和資本運營平台。

根據合作框架協議，雙方擬成立一間項目公司，並且會由兩者共同擁有。有資料顯示，橫琴當地擬投資逾15億元人民幣發展洲際航運中心，內裏亦包括酒店、航運及商業元素。

Prof. J覺得改名之後，集團擺明車馬咁反映同珠海市嘅獨特關係、體現其業務性質以及未來在珠海的發展潛力。