魚缸Blogger：信利 後市應有睇頭

內地愈來愈多人用智能手機，去年十一月推介過做手機殼、保護套等嘅嘉瑞國際（00822），唔經唔覺已經突破當時定的阻力位1.5元，周三仲創出1.7元的五十二周新高，而另一隻靠觸控屏食胡嘅信利國際（00732）亦都爆上，尋日即市曾經挾到去2.53元，創咗五十二周新高，埋單仍升逾8%，收報2.5元，後市應該仲有睇頭。

信利主要從事製造及銷售液晶顯示器、電子消費產品業務，過去三年營業額同盈利均持續增長，而去年全年營業額亦升17.9%至123.81億元，表現出色。依家手機同平板電腦產品的生命周期勁短，對顯示器及觸摸屏的需求自然有增無減，而信利擁有技術優勢，如新型嵌入單片式（OGS）觸控技術，令觸摸屏變成一層鋼化玻璃，跟炒上望2.8元。

信利國際（00732）

阻力位：2.80元

支持位：2.25元