市場徐想：深圳國際憧憬升值

呢期人氣最高就係前海概念，其中市場最感興趣就係其土地政策。前海管理局發言人承認部分土地使用權確由個別企業擁有，當局正同佢哋協商出讓使用權。

深圳國際（00152）喺深圳前海揸住唔少土地，目前位於前海灣物流園區嘅西部物流園，面積38萬平方米，而呢部分已納入前海深港現代服務業合作區嘅範圍以內。Prof. J覺得要啲地主無條件拎番塊地出嚟就難啲，反而有機會係政府同佢哋傾合作發展，始終雙贏至係真理。

作為前海三大地主之一，深圳國際依家市值唔夠200億元，但佔地估值就高逾500億元。假如順利將前海幅地皮由工業轉做商業用途，可以為深圳國際增值33.75億元。市場大多展望深圳政府有機會為前海作出土地重估。繼續追蹤，出發！