魚缸Blogger：金蝶國際 可追落後

股價調整咗成個幾星期嘅金蝶國際（00268），尋日踩油收復10日線1.64元，喺成交急增下，收報1.69元，逆市升近半成，短線如能突破埋前高位1.78元，可博佢踢上兩蚊。

喺內地從事企業應用軟件開發同銷售嘅金蝶，主力針對中小企客戶，因去年客戶經營環境惡劣，自然影響公司業績，由盈轉虧。睇番成績表，金蝶中期營業額同毛利分別下跌了7.6%及17.3%，期內錄得虧損2.1億元人仔，而全年業績見紅嘅機會亦都應該幾大吓。不過，隨住內地經濟的復甦，今年盈利料有改善，股價咁鬼落後，睇怕負面因素都已經反映晒。

訊息技術服務產業係一個高附加值嘅服務行業，近期內地開始向軟件企業退回增值稅，一一年金蝶就獲退稅約7,200萬元人仔，而公司亦積極進行戰略調整，如強化雲管理產品研發及推廣等，有助進一步提升競爭力。

金蝶國際（00268）

阻力位：2.00元

支持位：1.59元