魚缸Blogger：深圳國際 候低買貨

上月初暴炒妹話過可炒前海概念嘅深圳國際（00152），尋日即市再創1.11元的五十二周新高，以接近全日高位1.09元收市，升逾兩成，如果以當日收市價0.69元計，至今累積升幅達58%。

睇番尋日爆上的原因，原來係有消息指深圳市政府快將審批前海一系列的土地政策，三地王總估值高達4,700億元人仔，除咗中集（02039）同招商局集團之外，深圳國際亦都擁有前海地王部分權益，而上次亦提過佢擁有的西部物流園土地，已納入深圳前海深港現代服務業合作區的範圍。

作為前海三大地主之一，深圳國際依家市值唔夠200億元，但佔地估值卻高逾500億元，加埋上周公司公布旗下附屬斥5,000萬元人仔投資新疆喀什市深圳城項目，將有助進一步提升其資產規模同投資效益，所以未有貨嘅話，都仲可以候低收集，唔大貪先睇個半。

深圳國際（00152）

阻力位：1.5元

支持位：0.9元