魚缸Blogger：中海集運 盈喜帶動

上周五港股收市後，多間上市公司排住隊發盈警，如華能新能源（00958）、361度（01361）同中國地板（02083）等，相反隻中海集運（02866）就帶嚟驚喜，話公司會扭虧為盈，當日收報2.58元，升近2%，業績靚仔，話唔定可以踢上五十二周高位2.89元。

中海集運的盈喜，預期截至去年底止錄得全年純利約5.2億元人仔，一一年則蝕27.4億元人仔，原因係去年航運市場形勢有所改善，集裝箱運輸需求回暖、航線運價逐步恢復，而公司亦對自有集裝箱更新淘汰，喺二手箱市場價格較高a時出售。

至於市場數據方面，除咗上月內地出口按年大增14%好過預期、波羅的海乾散貨運價指數（BDI）回升外，本月部分集運公司曾透露，對今年第一輪提價計劃較有信心，尤其是一直疲軟的亞歐航線，而中海集運的提價幅度為每標準箱350美元左右，加埋春節帶動，後市值博率高。

中海集運（02866）

阻力位：2.89元

支持位：2.44元