魚缸Blogger：金界 博升穿6元

前日獲花旗報告唱好的金界控股（03918），股價連升兩日，尋日更創出5.81元的五十二周新高，收報5.66元，短線回調若唔跌穿10日線5.35元，可博升穿6蚊關，上望6.5元。

喺柬埔寨經營酒店同娛樂城嘅金界，擁有賭場獨家經營權至二○三五年，所以業務具壟斷性，主攻越南同泰國旅客。睇番成績表，公司去年首三季電子博彩機及大廳賭桌業務量，分別增長兩成半及三成半，而貴賓廳泥碼則增加18%，平均酒店入住率亦由76%升至84%，表現都幾靚仔。

由於柬埔寨大搞旅遊業，加上金界的積極擴建如Naga2，可視為濠賭股之外的另一選擇。花旗就話，呢隻股去年末季有唔少新增物業，有助公司盈利持續增長，畀佢目標價6.05元。

金界控股（03918）

阻力位：6.50元

支持位：5.35元