魚缸Blogger：合生元 具上升空間

上周五奶粉股合生元（01112）逆市做好，即市再創30.8元的上市新高，埋單仍升近半成，收報29.7元，成功突破月初渣打睇嘅29.4元，上周四滙豐證券話呢隻股嘅估值仲係吸引，歐元弱勢可以提高毛利率，畀佢目標價33.8元，如果內地一孩政策真係功成身退的話，照計呢個板塊估值尚有上調空間。

喺內地銷售高端嬰幼兒奶粉及營養產品等嘅合生元，因從法國同美國進口原奶，比其他品牌容易贏得信心，故在內地高價奶粉市場的市佔率排第一位。公司中期收入同純利分別增長逾五成及四成，至13.6億及2.7億元人仔，表現出色，年度業績有保證。內地嘅奶粉市場增長潛力大，合生元積極開拓分銷網絡，銷售渠道中，設會員制度嘅VIP嬰兒專賣店，分銷佔比高達七成，比超市同藥房更有效，現時VIP專賣店總數超過九千間，而啱啱推出的三種新產品，亦有助提升交叉銷售，睇競爭優勢贏面大。

合生元（01112）

阻力位：33.00元

支持位：27.27元