連日熱錢炒垃圾股，反觀藍籌唔肯行，尋日終於樂極生悲，一眾股仔跌到一仆一碌。有趣的是，仲有九十九隻股票尋日能夠創到五十二周新高，不過唔少埋單都係倒跌，形成穿頭破腳的惡劣走勢，睇怕炒得過火的三四線股有機會先來個震倉，日日唔炒過唔安樂的手痕友，最好忍一忍手，等多幾日至諗執平貨。
