市場徐想：弘海 盈利躍進可期

一間公司過去做得唔好，唔代表佢以後無運行。最重要係班管理層願意為公司搵新空間同亮點。近排有唔少上市公司都有新搞作，而且市場反應都幾正面，當中Prof. J覺得弘海（00065）幾值得留意。

弘海主要從事製銷塑料編織袋同塑料桶，而近年亦涉足埋煤炭銷售生意，公司截至一二年六月底止，中期虧損785萬元，但股價早前走勢凌厲，原來公司已簽訂合作備忘錄，夥拍大連船舶興建褐煤提質廠。大連船舶就係之前完成改裝航空母艦嘅造船公司，借助佢哋嘅優勢，弘海可以加快喺褐煤提質業務嘅發展。

據講開展煤加工業務後，如果一切順利，可為公司每年盈利帶嚟大躍進。股價自去年十一月起發力，由0.75元彈上最高1.2元，現高位整固，唔跌穿1.1元，有機會再上。