Yen會跌到5蚊港紙？

哈日族最近都磨拳擦掌，準備到日本血拼，買到幾多就睇日本新任首相安倍晉三會質低日圓幾多，Yen上周失守86關口，但對去旅行、血拼嘅港人嚟講唔平，100 Yen仲兌緊近9蚊港紙。

法巴投資管理亞太區股票投資主管鄺樂天最近和傳媒分享明年經濟預測，佢話Yen理論上要見150，即兌5.2港紙，呢個簡直係天大喜訊！佢透露安倍今年三月見過二、三百個基金經理，安倍話如果今次無信心搞好經濟，就唔會捲土重來。

日本經濟自九十年代迷失，無限QE未能令其起死回生，但Yen一直偏強。睇嚟日本要贏，Yen一定要輸（跌）。