魚缸Blogger：康哲 業務前景正面

上月初暴炒妹話過隻康哲藥業（00867）有睇頭，眨吓眼已經突破當時定的阻力位5.4元，尋日再升多3.03%，收報5.78元，短線如果仲守得住20日線5.5元，可博升穿6蚊見6.4元。

主要從事醫藥分銷嘅康哲，周初公布旗下附屬公司，取得Vifor Pharma藥廠兩項藥品的內地獨家銷售權，為期十年。至於兩新產品「Maltofer」同「Uro-Vaxom」，分別用於治療無貧血鐵缺乏及缺鐵性貧血，以及治療和預防反復尿路感染。尋日有兩間大行不約而同唱好，其中美銀美林話兩藥有助公司長遠發展，料高峰期可以帶嚟數百萬元人仔嘅銷售額，令業務喺一五年後持續增長兩成，而高盛對此交易看法亦都正面，話雖然內地的新藥申請最少要三年，不過可以配合佢嘅長遠增長策略。

康哲藥業（00867）

阻力位：6.4元

支持位：5.5元