市場徐想：TSC集團 展現實力

早排一眾頁岩氣概念股又再借好消息炒上，連帶隻TSC集團（00206），股價都由月初低位一路升上五十二周高位。TSC主要從事生產及銷售鑽機、處理設備、提供海洋鑽機之總包工程，佢兩間合作夥伴分別係廣州中船黃埔造船同Zentech Incorporated。中船黃埔為中國最大船廠之一；Zentech係一間工程公司，喺升降台及管道方面累積逾30年經驗。集團同佢哋訂立咗自升式鑽井平台戰略合作框架協議，TSC負責鑽機相關設備總包嘅供應、委託經營同售後服務。

集團話呢款新一代嘅自升式鑽機將會為自升式鑽機市場帶來價格相宜、而技術上證實可行嘅另一選擇。呢樣「新武器」將會有助TSC擴闊佢嘅水深超過300至500英尺運作嘅鑽機總包同綜合設備市場。