魚缸Blogger:旭輝可小注跟炒

以折讓七成做賣點嘅旭輝控股(00884),雖首日掛牌就潛水,但經過六個交易日終重上招股價1.33元,之後仲愈戰愈勇,創出上市新高。炒家近日對佢有番信心,全靠交咗份靚仔嘅成績表,尋日即市一度挾到去1.44元,埋單仍升近6%,收報1.42元。

旭輝喺內地從事房地產開發及投資、物業管理業務等,專注開發中高端精品住宅物業,商用物業則覆蓋一線城市鄰近市中心嘅優質地點,同埋二、三線城市市區,產品結構以受調控影響較小的剛需為主。今年首十一個月,公司實現合約銷售金額85億元人仔,已超額完成全年目標,另亦頻頻出手搶地,如十一月就掃入天津、上海共三幅地,中長線增長空間大,可小注跟炒,博佢破頂見1.6元。

旭輝控股(00884)

阻力位:1.60元

支持位:1.34元

暴炒妹