魚缸Blogger：東氣炒落後有睇頭

內地發電量大增，繼電力股後，一眾電力設備股終於起錨，其中要炒落後嘅話，暴炒妹心水係東方電氣（01072），尋日爆上，以接近全日高位14.78元收市，升逾一成。

公司業務包括高效清潔能源、新能源、水能及環保、工程及服務等，雖然首三季純利倒退近兩成至18.2億元人仔，不過內地上月發電量4,011億千瓦時，按年增幅7.9%，為今年以來最高，有望帶動市場對電力設備的需求，加上佢積極開拓海外缺電國家市場，末季成績表應該會有改善。至於鄧普頓就一早唔執輸，係十一月兩度出手增持呢隻股，揸貨9.05%，有基金撐腰下，後市點都仲有啲睇頭。股價現已成功收復10日同20日線，並突破咗前高位14.48元，技術走勢轉好，唔大貪先睇17蚊。

東方電氣（01072）

阻力位：17.00元

支持位：13.29元