市場徐想：萬順昌大折讓吸引

萬順昌集團（01001）作為香港第一間經營鋼鐵及建築材料存銷業務嘅經銷商，業務擁有穩固基礎。早前宣布咗一份唔錯嘅中期業績，上半年扭虧為盈，溢利錄得約3,200萬元，鋼材分銷嘅毛利率更由上年同期嘅負數大幅改善至9%。業績成功虧轉盈，除咗因為集團改善鋼材存貨控制同優化利潤率，主要係受惠於香港同澳門蓬勃發展嘅建築市場。隨着十大基建項目陸續開展，集團銷售及毛利均有改善。

喺低估值、高增長嘅大前提下，Prof. J覺得建築股嘅升浪唔止咁少。萬順昌股價長期處於大折讓水平，依家好似發番威咁。如果睇好香港基建前景，目前估值都可以。