牛熊對壘：國壽有支持吼20654

內地數據預示經濟見底，魚缸有運行，港股以全日高位22,377點開市，高過上日高位6點，收市時升幅收窄至85點，全日低位22,235點仍高出上日最低位。最近三個交易日，恒指不斷試高位，技術似在橫行，更開高收低，圖表上出現三支陰燭，昨日期指低水19點，有機會先行整固。

A股上衝，滬綜指收2,083點，三隻A股ETF的升幅介乎0.41%至0.98%，輪證發揮放大作用，安碩A50（02823）一隻由麥銀發行的Call輪（21128）升43%，是升幅最大的同類輪。輪場一班股友近日積極部署A股Call，連贏兩日，意猶未盡，部分持貨者調整組合，配合市況轉動，換入唔同條款的窩輪，買平啲，博大啲。

港股昨日主板成交625億元，內房升到停不了，三四五線的細內房股趁機異動，野村此時潑冷水，話內房股升勢或將暫停，聖誕前要沽貨。預言有幾堅，兩周後揭盅，講得中就仲有一陣炒，講唔中就聖誕假後再埋位。股友視細價內房如窩輪，市值剛升到12億的沿海家園（01124），昨日勁飆33%。

牛證街貨遠超熊證

窩輪及牛熊證昨分別錄得72.14億元及63.6億元成交額，共佔大市成交21.7%，全日23隻熊證被強制回收，當中12隻是恒指熊證，新上市，不涉任何街貨。最新牛熊證總街貨的對沖期指張數是1.02萬張及3,315張，牛證街貨足足是熊證的兩倍，反映大家是如何積極持貨做好倉。

港股短期未能再上衝，走勢落後於A股，內銀發力，工行（01398）、建行（00939）及中行（03988）昨共為恒指貢獻40點升幅。相比之下，內地保險股個別表現，上市無耐的人保（01339）撐得住，收市靠穩，國壽（02628）微跌0.4%，但即市所見有資金流入其Call輪，繼前周急升後不排除先作整固，但低位有買盤，可考慮小注開Call。中壽美林購（20654）明年四月八日到期，行使價24.41元。