追星族：馬鋼中線目標3元

內地鋼鐵行業捱了幾個艱難的年頭，大型鋼企都敵不過鋼價下跌、需求減少的現實，業績連年倒退，馬鞍山鋼鐵（00323）今年上半年更錄得18.9億元人民幣的巨額虧蝕。

不過，內地鋼企龍頭寶鋼上調了十二月份鋼價，行業醞釀谷底反彈。穆迪指中國佔亞太區鋼鐵總產能加消耗量70%以上，近年的問題是供求嚴重失衡之故，認為內地鋼鐵需求已於第三季見底。

內地十一月份工業增加值按年增10.1%，表現優於預期，唔少大行都打算上調第四季GDP預測。經濟復甦再次得到確認，資金轉炒復甦下的受惠股，在谷底區間徘徊的鋼鐵股昨現鑊氣，馬鋼一支大陽燭升穿2.25元，突破三頂阻力，加埋市場對前景期望轉好，資金泊入無咁快走，中線目標睇3元。

馬鞍山鋼鐵（00323）

阻力位：2.7元

支持位：2.0元