魚缸Blogger：中策逆市展強勢

細價股中策集團（00235）尋日突然逆市爆上，喺成交急增下，即市一度抽升逾一成，高見0.178元，埋單仍升近7%，收報0.171元，不妨吼位跟炒一轉。

由柯清輝擔任主席的中策，主要從事證券投資、製造及買賣電池產品，今年上半年收入減逾六成至233萬元，原因係期內經營成本增加同全球經濟不振。雖然成績表唔多靚仔，不過佢嘅股價並未有因為咁受壓，反而由六月起一級級咁上，每次突破前高位後先至回落。

公司一○年收購台灣南山人壽告吹後，一直都有物色其他收購機會，唔排除將會隨時出手。睇番幅圖，多條平均線匯集在0.151至0.161元區域，短線回吐守0.161元可小注，上望十月高位0.189元。

中策集團（00235）

阻力位：0.189元

支持位：0.161元