魚缸Blogger：中國油氣睇位撈貨

呢期人氣旺盛嘅中國油氣（00702）頻頻殺入升幅榜，昨終見到較明顯嘅回吐，跌6.7%，由於早前升勢頗急，唔排除後市或會跌穿0.2元水平，可留意低吸機會。

中國油氣主要從事美國同內地陝西省油田業務，周一公司股價飆近三成，原因係同中石油集團合作煤層氣項目有新進展，另尋日亦公布已訂立備忘錄，正洽購位於山西三交區域嘅煤層氣液化天然氣站權益，建議代價為3,000萬至3,500萬人仔，預期投資項目將可進一步改善其收益同盈利能力。公司又預料，一四至一五年煤氣層天然氣的年產及銷售量可達5億立方米，食正以氣代油嘅長期國策。睇番幅圖，股價10日及20日線匯集在0.19元，若短線仲守得住，唔大貪先睇0.25元。

中國油氣（00702）

阻力位：0.25元

支持位：0.19元