經紀追蹤：中電信乘Phone而起

筆者上周五推介的中國燃氣（00384），話先睇6蚊，昨日又再破位兼達標，短短數日升逾一成。今日再揀來中電信（00728），公司剛開始接受iPhone 5預訂，相信有助刺激3G上客量，可小注買入。

雖然中電信十月3G上客量稍放緩，但隨着蘋果公司落實在月中於內地發售iPhone 5，該股有望轉勢做好。中電信於剛過去的周日，已搶閘為客戶提供預訂服務，即使iPhone 5的訂購反應未及iPhone 4S般瘋狂，相信仍有望帶動公司整體ARPU上升。

經過一輪調整後，該股似於4元成功築底，昨日收報4.24元，升2.91%，大戶亦開始收集，巴克萊昨日便買入230次，高盛及花旗亦見活躍，下一站目標先睇4.6元。