魚缸Blogger：深圳國際概念可取
紅籌股深圳國際（00152）尋日爆上，喺成交急增下，即市曾經挾到去0.77元，創咗五十二周新高，埋單仍升逾6%，收報0.69元，後市可以(目及)實。
深國主要從事物流及收費公路等業務，係深圳高速公路（00548）同深圳航空嘅主要股東。公司今年上半年收入增長4.2%，至28.6億元，雖然受其他收益顯著減少、財務成本上升所影響，但其實核心業務的除稅及財務成本前盈利仍升28%，至17.84億元，可見佢嘅持續盈利能力並唔失色。
基於深國擁有的西部物流園土地，已納入深圳前海深港現代服務業合作區的範圍，公司亦將物色與其他地產商合作的機會，作為首批前海土地開發公司，炒概念博再下一城，先睇尋日高位0.77元。
