魚缸Blogger：萬順昌有力升多浸

近月頻頻在市場回購股份的萬順昌（01001）股價由十月嘅唔夠5毫子，反彈至最高8毫子，上周五喺成交急增下飆近一成，收報0.78元，後市應該仲有追落後空間。

萬順昌業務包括在香港、澳門及內地從事鋼材、建築產品及塑膠樹脂分銷、金屬回收，以及房地產投資等，公司一直都有物色同現有業務及產品線具協同效應嘅項目，如年初公布投資1,042萬人仔，成立金屬再生資源合營。睇番成績表，公司上半年扭虧為盈，錄得純利3,203萬元，而毛利率亦大幅回升5.8個百分點至7.3%，而大躍進原因之一係行業景氣改善，隨住多個基建項目如港珠澳大橋等的展開，將有助於本港對鋼材的穩定需求。短線股價如果仲守得住10日線0.7元，博佢踢上9毫子。

萬順昌（01001）

阻力位：0.9元

支持位：0.7元