散戶過年唔敢再博

截至十一月底為止，恒生指數今年累漲19.5%。然而，市況波動下，散戶「搵食」甚艱難。本報一項網上民意調查顯示，雖然45.2%受訪者表示，今年投資股市獲利，但錄得虧損受訪者比例高達44.6%，23.6%虧損幅度更達30%或以上，散戶本月對市況普遍持審慎態度，投資策略不敢過分進取。

散戶譚生表示，受鋼鐵股板塊拖累，今年整體投資虧蝕約兩成。他說：「滙控（00005）無以前咁強勢，恒指未必一定會升」，加上歐美經濟問題一直未解決，「所以十二月我都不會再博o架啦。」

年底股市勢快上快落

散戶文姐說：「我玩開波幅，嚟緊股市走向好難講，好難捉路，惟有睇情況執生。」

她續說，根據多年投資經驗，十二月股市會升得快、跌得快，她提醒其他投資者勿貪心，「升到某個位就好走啦。」

散戶陳小姐表示，今年主要投資中移（00941）、騰訊（00700）、滙控等藍籌股，所以整體投資「賺咗少少」。不過，十二月股市很有可能「快上快落」，她直言：「穩陣起見，我都唔敢有咁多貨喺手。」

散戶余先生表示，受惠領匯（00823）向好，整體投資賺約兩成，預期十二月恒指會上試24,000點。不過，他只會集中火力留意X安碩A50中國（02823），「因為外圍經濟對安碩A50嘅影響不大，比投資其他股票穩陣。」