魚缸Blogger：宏基資本炒味十足

魚缸尋日有隻「生面口」嘅股仔宏基資本（02288）爆上，喺成交急增下，股價飆近一成四，收報1.96元，即市創下2.05元的五十二周新高，炒味十足。

宏基前身叫承達國際，今年九月先至改名，標誌公司成功轉型，由從事室內裝潢工程承建業務，轉為投資控股公司，發展地產及基金管理業務。佢首個地產重建項目「宏基資本大廈」所有可預售樓花，喺正式開售後一周內賣晒，套現19.5億元，反映商廈買賣市場嘅暢旺程度拍得住住宅。宏基未來將繼續發掘高潛力同價格適中投資項目，如旗下上海浦東新區60萬平方呎地產項目，正計劃出租予外資企業，公司亦正籌備推出第三隻人民幣基金等，股價短線整固完有機會再衝去年六月高位2.16元。

宏基資本（02288）

阻力位：2.16元

支持位：1.86元