諗住A股冇運行港股難飛，點知期指結算日就飛畀你睇！恒指升逾兩百點，最終高收作結，真係估佢唔到！內房股繼續炒作，恒大（03333）升逾半成，短線不妨花點心思發掘其他落後內房股。此外，十二月消費旺季將至，消費股開始聚集人氣，金飾珠寶股上演復仇記，其他服裝鞋履股亦有追捧，內地體育用品股亦值得關注。
