魚缸Blogger：東表技術走勢轉強
股價升咗幾日嘅東方表行（00398）尋日突破埋250日線2.88元，收報2.94元，逆市升8%，成功收復各條平均線，技術走勢轉好，經過上半年嘅大跌浪後，估值料已反映消費放緩等利淡因素，不妨跟炒復甦兼送禮概念。
東表主要喺香港及內地從事手錶、時鐘、筆同打火機的經銷及零售，睇番成績表，受累於手錶供應商沒有加價，同埋本地租金開支急升，公司上半年營業額及純利分別下降8.7%及17.3%，不過里昂就發表報告唱好，話佢過去兩個月同店銷售增長有改善，業務首次出現曙光，預期明年下半財年本港業務同店銷售增長7%，所以重申叫人買貨。考慮到尋日升勢幾急，都可以等回調後收集，守住尋日低位2.74元可小注，唔大貪先睇3.1元。
東方表行（00398）
阻力位：3.10元
支持位：2.74元