魚缸Blogger：東風可博上12元
月初話過東風集團（00489）嘅調整告一段落，一個月都未夠股價成功突破11蚊，尋日以接近全日高位11.44元收市，升幅逾8%，接近暴炒妹之前的目標11.76元，短線如果可以再度突破，今轉阻力上移到12蚊。
睇番尋日爆上原因，原來有消息指東風拖延咗多年、投資65億人仔、與法國雷諾的合資項目已經上報發改委，只係仲等緊批覆，消息指一期產能將是每年20萬輛，首批為運動型多功能車「科雷傲」。除此之外，上次亦提過公司頻頻出擊海外進行戰略合作，如德國格特拉克、史密斯、瑞典T工程技術公司等，在國際化步伐加快下，核心技術上逐步擺脫日產標籤，同時內部早已重金展開「大自主」計劃，即培育自主品牌，後市隨時跑出。
東風集團（00489）
阻力位：12.0元
支持位：10.5元