魚缸Blogger:中渝置地動力未盡

上周五暴炒妹推介嘅融創中國(01918)當日即刻再創4.88元的上市新高,相反隻規模較細嘅旭輝控股(00884),首日掛牌就潛咗水,所以話跟炒內房股真係要識揀,而另一隻已經落鑊嘅二、三線股中渝置地(01224),同日急升逾8%,以全日高位2.09元收市,可以(目及)實。

主要喺內地西部城市如重慶、成都等進行物業開發同投資的中渝,將從事包裝業務的確利達國際(01332)分拆上市後,具有不同的增長渠道及發展策略,有助公司業務更為集中。睇番成績表,上半年收入同純利分別增長逾兩倍及三成半,首十個月實現合約銷售金額已達全年68億人仔目標的85%,後市應該仲有睇頭。短線股價回吐守上周五低位1.93元可小注,唔大貪先睇2.25元。

中渝置地(01224)

阻力位:2.25元

支持位:1.93元

暴炒妹