魚缸Blogger：美麗家園不妨小注
今年七月先至上市嘅美麗家園（01237）尋日突然起錨，飆逾一成，以全日高位兼新高1.38元收市，以上市價1蚊計，四個半月股價累積升幅達38%，新股嚟講已交足功課。
美麗家園從事生產及銷售休閒木製用品，除有原設計製造外，亦擁自有品牌「Merry Garden美麗家園」同多項專利，產品主要針對中高端收入客戶，而分銷網絡涵蓋內地及海外市場。公司過去三年的毛利率都有穩定增長，今年上半年營業額升逾三成至2.16億元人仔，純利增長逾一成至4,584萬元人仔，原因係旅遊休閒產品需求旺盛。而為咗進一步擴充產能，公司九月宣布以6,660萬人仔建新生產線。股價昨在大成交下突破1.29元阻力，加上出現短線黃金交叉，可小注跟炒，唔大貪先睇個半。
美麗家園（01237）
阻力位：1.5元
支持位：1.3元