市場徐想：長實分拆值得捧場
長實（00001）上月中宣布分拆旗下四家服務式酒店的Horizon上市。傳聞已通過港交所（00388）上市委員會聆訊。Horizon今次以合訂證券（即係商業信託）形式掛牌，最大賣點係派息穩定。盛傳Horizon會將一二至一四年可分派收入，全數醒畀股東，而其後嘅分派，將不少於可分派總額90%，料Horizon嘅息率會介乎4至5厘，條款都幾吸引。
長實今次採用合訂股份形式分拆業務，而唔用REITs來上市，估計係由於酒店負債率偏高，如果用REITs，就無法符合法定負債比率不高於45%嘅要求。而喺市況不明朗下，穩定派息始終係吸引因素。